毛孩點影先至好？寵物攝影師過你4招影靚相

《晴報》早前找來寵物攝影師小明，分享寵物攝影的趣事、難忘經歷及當中困難。小明當日更即場示範拍攝寵物的技巧，親身教路4招如何為毛孩影靚相！

{{hket:inline-image name="bambiland111220189.jpg"}}{{/hket:inline-image}}

4招為毛孩影靚相

第1招：如何令毛孩坐定定

為寵物拍照時，無論坐或企，都想牠們乖乖地停下，到底要點做？「有嘢食嘅時候其實佢乜都得」，小明表示，大部分毛孩只要見到食物，通常都會聽從主人指令，「佢hold到5到6秒其實都已經好夠佢影一張相」。他指出，用食物引毛孩定下來後拍照，再獎勵牠食物，「佢慢慢就會知，原來坐定定影咗張相係有嘢食嘅」。

第2招：如何吸引毛孩望鏡頭

至於要點先可以令寵物望鏡頭？小明笑言，這不外乎也是食物的功勞；當毛孩眼睛跟隨著食物移動的時候，可以慢慢用食物將其視線引到鏡頭上面。除了食物外，亦可利用聲音去引誘毛孩，「有一部分狗聽到膠袋聲，就會知道有機會有嘢食」。膠袋聲、拍手等聲響可用來吸引毛孩注意力，從而使牠們望鏡頭。

第3招：引毛孩笑好簡單

狗仔展開燦爛笑容模樣可愛，但其實並非真笑，而是牠正在喘氣。小明表示，想毛孩展示笑樣，「想佢笑，一係緊張會喘氣；一係佢有啲熱，有需要散熱時會喘氣」。所以拍照前，可以先跟牠玩耍，「跑少少，追吓波，或者扯吓大纜」；待毛孩感到有點熱時，就自然會有笑樣！

第4招：善用小道具

小明表示，在studio拍照時，他通常都會用可以疊起來的箱子等，來控制高度，「一部分嘅狗可能上咗枱之後可以坐得好定，或者上咗枱之後光線個位啱啱好」。此外，部分毛孩趴在籃子內會比較有安全感，「（佢）會舒服啲」。

{{hket:inline-image name="bambiland111220182.jpg"}}{{/hket:inline-image}}

{{hket:inline-image name="bambiland111220185.jpg"}}{{/hket:inline-image}}

{{hket:inline-image name="bambiland111220187.jpg"}}{{/hket:inline-image}}

同場加映：手機拍攝小秘笈

現今不少人普遍都會用手機幫毛孩拍照，小明表示，一般手機都是廣角鏡頭，因此鏡頭不要放得太近毛孩，以免令牠們因距離太近而「變形」兼感到不安避鏡頭，所以要好好善用變焦功能，來zoom in（放大）、zoom out（縮小）。

{{hket:inline-image name="bambiland1112201810.JPG"}}{{/hket:inline-image}}

小明再醒你3個貼士

1. 唔好迫毛孩著衫
很多人都會替毛孩著衫扮靚靚，但要先留意毛孩是否抗拒；若毛孩並不抗拒，亦並無不可。

2. 注意安全高度
將箱子疊起來後，要留意不要疊得太高，免生意外。

3. 閃燈唔好對準眼睛
盡量不要用閃光燈直接對著毛孩眼睛，「因為佢哋會好辛苦，同埋影出嚟會好唔靚」。

{{hket:inline-image name="bambiland111220183.jpg"}}{{/hket:inline-image}}