多得鄭伊健明年再踏紅館開騷，令《古惑仔》電影系列又再成為網民翻煲目標，當中鄭伊健嘅陳浩南自然係大家至愛，不過原來飾演反派烏鴉嘅張耀揚都一樣係唔少人偶像，近日有網民於茶餐廳野生捕獲他，只見55嘅張耀揚面脹脹，冇哂昔日霸氣，令人不禁再次回想起佢嘅崎嶇星途，2008年因為拍動作戲導致椎間盤脫開，痛到一度想死，去到2014年又因為於內地涉毒被捕，從此被逼淡出娛樂圈，搞到唔少網民都好痛心：「點解佢要自毀前程！」
最令人難以忘記的古惑仔烏鴉
張耀揚憑粗獷、高大外型以模特兒身份入行，其後被導演林嶺東看中其冷酷眼神，在《龍虎風雲》飾演John陳，開始他的演藝路。直至1996年，張耀揚遇上《古惑仔3之隻手遮天》大反派烏鴉一角，戲中他壞事做盡，是陳浩南的死對頭，令影迷印象深刻。甫出場，烏鴉就給人一種狂野不羈，甚至帶些神經質的氣場，每次情緒激動，他都會有自創的奇怪小動作，不少網民大讚只有他能carry到呢個角色，如果換了第二個做就會變得毫無男人味。
當中有幾幕戲更令人難以忘懷，當有手下想轉會時，烏鴉忍不住爆怒：「後悔加入黑社會啊？係關老二面前發過毒誓跟我，依家話唔跟就唔跟啊？」之後突然跳起，如同蒼鷹振翅，嚇得手下愣一愣，霸氣盡現。而在洪興的貢品拍賣會上，叼著煙的烏鴉為搶風頭，突然叫囂：「難搞？我睇就唔好搞啦！」直接反枱搞事。所以烏鴉之所以咁紅，其實因為他夠狂夠爆，時時刻刻對自己充滿自信，形象非常突出。雖然烏鴉最後邪不能勝正，但仍成為眾人心中的古惑仔經典。
涉毒被逼退出娛樂圈
1996至2008年可算是張耀揚演藝路的高峰，憑烏鴉一角爆紅後，又於2000年憑《槍火》奪得香港電影金紫荊獎最佳男配角獎，演技備受肯定；去到2003年在《無間道II》中，張耀揚竟然零對白，單憑肢體語言做戲，可謂技驚四座。不過天意弄人，2008年張耀揚拍動作戲令腰部過勞，椎間盤脫開，急需休養，當時他曾經因為太痛而想尋死：「嗰陣生不如死，好想一走了之！」及至2014年，張耀揚在北京一間酒店因藏毒被捕，雖然最後只拘留20天作為行政處罰，但張耀揚形象一落千丈，最近一次演出已是2014年在《大話天仙》的客串角色，他亦因此淡出演藝圈。
儘管不少網民很希望可以再見烏鴉身影，但有指現在他已轉往澳門發展，擔任賭場公關，更有指他與貌似林依晨的澳門女朋友正在拍拖，已經去到談婚論嫁階段，認真可喜可賀！如果大家想回味張耀揚的演出，翻看《古惑仔》應該是最佳選擇。