從昔日「的士陳」到今日「小鮮肉」，相信如今沒有人會再學當年黃曉明講「而我不知道陳偉霆是誰」，最近更有傳陳偉霆與黃曉明有機會合作拍劇，若然成事，肯定話題不絕，不過人紅就自然是非多，多年來圍繞陳偉霆的「變形」疑雲幾乎未停過，而最近傳聞又再被炒熱，事關近日陳偉霆於微博上載自拍照，網民發現佢好似又唔同咗樣：「吓，呢個係陳偉霆？真係睇唔出，好似變咗3.0版好有驚喜！」「可能係大陸啲嘢食神奇，可以食到個人愈嚟愈靚仔，我相信佢真係乜都無整過。」
睇返陳偉霆嘅舊相，好多網民都指佢個鼻愈嚟愈高，塊面就愈嚟愈尖，鼻頭就愈嚟愈細，好似變咗兩個人，雖然不斷受到網民質疑，不過陳偉霆就完全唔介意：「有人說我下巴也整過容，當然沒這回事，有些相片是10多年前，樣子跟現在一定有變化，不過我也很開心說我越來越靚仔，總好過說越來越醜。」啱嘅，人會變月會圓，可能只係網民多心咗。