雅蘭中心夏日型動 挑戰人氣健身教練

夏天要保持健美身段，以最佳狀態示人。黛安知道，雅蘭中心即日起至9月2號，聯乘超人氣本地動畫及插畫師劉冠瑤（Johnee），舉辦「畫名『型‧動』夏」主題活動，下個星期六（18號）仲請嚟星級健身教練Emi，即場同大家交流健身心得！

參加者只要係即日起至今個星期日（12號），仿效Emi教授嘅健身動作，拍短片兼上載至個人Instagram，最快完成嘅20位挑戰者，就會獲邀出席「盛夏Keep Fit大作戰」，同Emi一齊交流健身心得之餘，仲可贏取Goji Studios 7天健身體驗卡1張。