11呎巨型暴龍 現身MegaBox侏羅紀世界

暑期猛片《侏羅紀世界︰迷失國度》已經上映，唔知大家睇咗未呢？黛安就已經睇咗啦，仲知道由今日起至9月2日，MegaBox將電影內多隻巨型恐龍，好似11呎高、30呎長嘅巨型機動暴龍、有互動感應裝置嘅速龍Blue、及16呎長全新恐龍品種兇王迅猛龍等，帶出大銀幕，活現喺大家眼前。MegaBox L5中庭更會化身做神秘叢林，顧客仲可以坐上電影內嘅水晶球觀光車玩番轉。

MegaBox總監文靜芝同黛安講，今次係首次同Universal合作推出全港首個《侏羅紀世界》大型裝置，除咗有一系列栩栩如生嘅恐龍裝置外，仲可以喺《侏羅紀世界》歷險照相館同親友大玩合照，而MegaBox L9仲有9萬粒LEGO砌成嘅6呎高暴龍畀大家影下相。係周末及假日仲有考古大挑戰，只要完成指定任務就有免費LEGO《侏羅紀世界》系列海報同優惠券各1張。黛安都約埋朋友一齊去再感受下侏羅紀世界嘅刺激氣氛。大家都快啲去趁熱鬧啦！