中銀香港百周年 展覽講發展史

中銀香港今年成立100周年，慶祝活動當然唔少得啦，相信大家都知，中銀將會推出100周年紀念鈔，不過喺搶紀念鈔之前，原來中銀大廈而家搞緊展覽，大家又知唔知呢？前日展覽開幕，仲請到政務司司長張建宗、署理財政司司長陳家強、商經局局長蘇錦樑、人大代表譚惠珠等出席，真係夠晒派頭。

黛安當然都有去湊下熱鬧啦，今次展覽以「同心同路創未來—中資企業服務香港展覽」暨「百年中銀與您同行—中國銀行在港服務100周年展覽」為題，展示中資企業對本港貢獻，同埋中銀香港嘅百年發展歷程。服務咗成個世紀，展覽梗係多嘢睇啦，仲要係免費入場，各位中環上班族得閒都不妨過去睇下。