卡樂B「松露味薯片」 唇齒留香食唔停口

最近卡樂B又有新搞作！黛安收到風，被譽為「餐桌上鑽石」嘅頂級松露，今個夏季將以高貴姿態進軍零食界，卡樂B為一眾粉絲及松露愛好者製作出令人愛不釋手嘅「松露味薯片」，將松露獨有嘅香味精髓完美咁呈現喺香脆薯片上，畀大家體驗不一樣嘅法式風情。

公關姊妹送咗卡樂B「松露味薯片」畀黛安試食，打開包裝即聞到獨特嘅松露香氣撲鼻而來，入口即感受到濃濃嘅松露芬芳，細嚼後薯片嘅松露美味仍唇齒留香，好易令人食到停唔到口。姊妹介紹，將卡樂B「松露味薯片」配搭葡萄美酒一同享用，既可襯托出松露芳香馥郁嘅獨特風味，又可帶出葡萄酒嘅柔順口感，最啱約埋好友一邊睇法國電影，一邊分享美酒同薯片。呢款薯片已經喺各大超市及便利店發售，黛安都要掃返幾包返屋企慢慢歎先得。