卡樂B「鬼之麻辣味波浪薯片」 香辣麻辣刺激過癮

嗜辣嘅朋友有口福喇！黛安聽公關姊妹講，最近卡樂B推出全新「鬼之麻辣味波浪薯片」，將花椒及辣椒粉嘅麻辣味精髓完美呈現喺薯片上，香辣帶麻嘅刺激感好過癮，好容易食到停唔到口。呢款薯片由多種香辛調味料特製而成，甫打開薯片袋已感受到麻辣香氣撲鼻，入口濃郁嘅辣椒香味滿瀉之餘，後勁更有花椒嘅麻味，食完之後麻辣感覺仍然喺口腔中縈繞，令人回味無窮。

公關姊妹仲教路，大家不妨喺「鬼之麻辣味波浪薯片」沾上醇厚嘅芝士蘸醬，薯片麻辣嘅口感與芝士嘅鹹香互相融合，雙重口感層次衝擊味蕾，絕對係非一般嘅全「辛」滋味。薯片均由香港工場新鮮生產，保證令大家品嘗到最新鮮嘅薯片，產品已喺各大超市、便利店及零售店發售，大家快啲去入貨啦。