首屆GBC佳得樂籃球挑戰賽 2.18修頓舉行

鍾意睇籃球賽嘅朋友要留意！黛安知道首屆「Gatorade Basketball Championship佳得樂籃球挑戰賽」決賽將在2月18日下午2點起，分兩個時段喺灣仔修頓場館舉行。參賽嘅4個組別包括本港甲一籃球員自由組合嘅精英組、強中之強嘅中學和大專組，仲有由滿腔熱忱嘅「籃兒」組成公開組。兩個時段嘅決賽門票（公開組連同大專組決賽，及中學組和精英組決賽）將於比賽當日喺場館發售。

公關姊妹話，到時現場約2,000位觀眾除可欣賞球員嘅魔法般球技，更可見證衞冕精英組和公開組獲贈獎金5萬和10萬嘅歷史盛況！大家亦可為心儀球隊打氣，享受緊張刺激又熱鬧嘅球賽。每場門票收費$80及$60（年滿60歲人士及全日制學生），不設劃位；想知多啲賽事詳情可瀏覽Gatorade Basketball Championship嘅fb。