麥當勞×LINE FRIENDS陶瓷碗碟套裝及杯連蓋 親子會會員優先買

黛安收到風，麥當勞同一班超人氣LINE FRIENDS buddies，會為大家帶嚟新春驚喜，包括推出陶瓷碗碟套裝、陶瓷杯連蓋及McCafé飲品換領券。陶瓷碗碟套裝分別有BROWN及CONY兩款，由即日起，麥當勞親子會會員可優先專享麥當勞App優惠券，買任何產品加$156換購1套兩款嘅陶瓷碗碟套裝，或買任何產品加$78換其中1款。

另外，麥當勞親子會會員亦可用麥當勞App電子優惠券，買任何產品加$100選購「LINE FRIENDS與McCafé陶瓷杯連蓋及McCafé飲品換領券2張」，飲品換領券可換指定細杯裝熱飲，包括全新海鹽棉花糖味朱古力及榛子味朱古力咖啡；飲品上仲會以朱古力粉撒上CONY或BROWN嘅圖案，十分可愛。麥當勞App用戶都可以憑「McCafé海鹽棉花糖味朱古力及榛子味朱古力咖啡減$3優惠」，品嘗兔年嘅甜蜜滋味。