太古「書出愛心」活動 即日起設40收書點

太古地產年度慈善活動「書出愛心‧十元義賣」，即日起至本月31日，喺全港共設40個收書點，歡迎市民捐出心愛好書，呼應本屆活動主題「有書出就有書入」，為書架騰出空間來迎接更多新書，傳遞知識。捐書者宜詳閱收書準則，包括不接受書況不佳、內容過分渲染暴力和色情等嘅書籍，而收集到嘅書籍，將由各合辦單位同受惠機構嘅義工協助整理及分類。

黛安聽公關姊妹講，兒童圖書網上義賣將於3月率先推出，8天實體書籍義賣則會喺4月於太古坊舉行，所有書籍一律以每本$10發售，詳情稍後公布。義賣活動籌得嘅善款，將悉數用作支持香港小童群益會「群益寶庫」計劃，為基層家庭提供經濟援助以應付緊急開支、日常生活及學習資源等；另外，會幫助義務工作發展局推動義務工作。