Ocean PopWalk × tokyobike 周末限定店租復古單車出遊

周末唔知去邊好？不妨去剛啟用嘅將軍澳跨灣大橋沿海單車徑踩單車！黛安知道，日系文青單車品牌「tokyobike」將由即日起一連4個月，逢周末同公眾假期，喺開幕1周年嘅新地旗下Ocean PopWalk海天晉滙地下正門，設周末期間限定店，租賃日系復古單車同小朋友單車，只需到場繳付指定租金，即可輕鬆租借單車出遊，一家大細喺跨海大橋影靚相、享受海風同睇日落，真係好悠閒同浪漫呀！

今個周末（17及18日）更會推出將軍澳單車導賞遊，由專業單車導遊帶大家遊覽將軍澳，同欣賞大橋海天一色嘅美景。

公關姊妹仲話，The Point會員喺期間限定店租單車，同日於Ocean PopWalk餐飲商戶單一消費滿$300，即可在商場地下顧客服務中心換取星級泊車賞，包括當日可免費泊車3小時，以及獲得$50零售電子券，自駕到場即可出遊，真係又抵又方便，名額有限，換完即止！