海天晉滙周年慶 精選貨品服務低至14折

新地旗下將軍澳PopWalk天晉滙臨海一期Ocean PopWalk海天晉滙，適逢一周年慶典，黛安聽公關姊妹講，由即日起至明年1月2日，海天晉滙場內多間商戶會攜手推出多項優惠，大家可趁機入貨喇。

姊妹話，優惠期內部分精選貨品和服務會以14折發售，包括原價$2,772嘅PERLE SUISSE養宮逆齡術療程及溫中扶陽儀體驗，而家14折後只需$388；日式料理餐廳賀天爐端燒則低至5折，午市和晚市只需$228及$368；CHAMP 24 FITNESS 2個月健身會籍，特價5折，只售$998；仲有澳洲歌婷快眠枕買一送一等等。咁多款優惠產品，必定有一款啱你心水，不過姊妹提醒，優惠數量有限，記得秒速搶購呀！