Market Place印花換購SMEG廚具 鑄鐵鍋‧刀具‧迷你烤盅

鍾意下廚嘅朋友都知道，意大利廚房電器品牌SMEG嘅產品，造型時尚又復古，簡直為廚房提升質感。黛安收到風，高級超市Market Place特別同SMEG合作，推出全新印花活動，即日起至明年2月16日，儲齊印花就可以帶齊一系列奶油白色刀具和廚具返屋企喇！

黛安聽公關姊妹講，只要購物每滿$60就可以獲1個印花，儲齊指定數量嘅印花或yuu積分，即可以獨家免費換領或換購6款不鏽鋼刀具、6槽刀座、木砧板和2款廚具。

最吸引嘅，一定係全港獨家推出嘅24cm SMEG鑄鐵鍋，配以不鏽鋼鍋蓋頭嘅琺瑯塗層鑄鐵料理鍋，適用於所有爐灶，包括電磁爐，烤箱耐熱度更高達260度。原價$1,599，而家只需儲50個印花再加$480便可換購，或以5,000 yuu積分加$600換購。

另外，一套兩個12cm迷你烤盅亦都係獨家推出，烤箱耐熱度同樣260度，適用於微波爐和洗碗碟機，多用途又方便，原價$499，現時可以200個印花免費換領，或以30個印花加$95換購。