麥當勞第3周「季前賽籃神卡」 姜濤Ian及隊照卡強勢登場

ViuTV劇集《季前賽》嘅劇情已經進入最後直路，「翰林隊」及「痴漢隊」正如火如荼準備最終決戰！黛安知道，麥當勞亦為劇迷呈獻最後一擊，送上第3周「季前賽籃神卡」及各款優惠美食，同大家一同感受籃球嘅熱血氣氛！

壓軸登場嘅「籃神卡」，除咗有兩隊隊長姜濤及陳卓賢（Ian）籃神卡之外，亦有機會獲得「痴漢隊」嘅隊照卡，麥當勞App用戶憑唔同電子優惠券，包括「$33歎巨無霸或脆雞巨無霸套餐」或「$42歎巨無霸系列四道菜」，即可獲得隨機派發第3周嘅「季前賽籃神卡」喇！

公關姊妹話，細心嘅劇迷可能已發現「籃神卡」暗藏玄機，除正面有入型入格籃球健將外，卡背亦有劇集設計元素。只要儲齊全套9款卡再拼湊一齊，就會展現劇集嘅宣傳海報，好值得收藏㗎。另外，麥當勞由即日起至周日（13日）仲會為大家帶嚟慳上慳優惠，顧客用麥當勞App惠顧滿$35或以上，可獲$5折扣優惠券，下次去麥當勞餐廳，或以麥當勞App惠顧滿$35或以上時就可以用喇。