McCafé全新宇治焙茶珍珠鮮奶 今日$26試飲

McCafé不時推出新產品，繼早前推出嘅紫薯珍珠鮮奶後，珍珠系列再增添新成員！黛安打聽到，本周二（23日）起，全新宇治焙茶珍珠鮮奶將登陸McCafé。麥當勞App用戶今日（22日）更可以優惠券「$26歎McCafé宇治焙茶珍珠鮮奶」，優先品味全新焙茶香氣；之後用戶亦可憑優惠券減$3，歎下呢杯新飲品。

公關姊妹話，焙煎過嘅茶葉，香氣特別濃郁，今次McCafé嘅全新宇治焙茶珍珠鮮奶，係將日本宇治焙茶與3.7鮮牛乳結合，喺濃郁滑順嘅口感中添加煙韌Q彈黑糖味珍珠，必定可以為味蕾帶來驚喜。另外，麥當勞App會繼續為用戶送上多款優惠，包括大受歡迎嘅「$1歎大可樂」會喺炎夏再度登場，最啱為大家解暑；仲有板燒雞腿精選套餐減$3、$36原味麥炸雞（2件）及中汽水配小食等，大家唔好錯過呀。