秀茂坪商場「Rummikub盛夏嘉年華」親子有獎攤位+巨型打卡位

全港首個Rummikub（魔力橋）主題戶外大型活動「Rummikub盛夏嘉年華」，本周六（13日）起登陸秀茂坪商場，黛安知道，活動以大熱桌上遊戲為主題，場內打造咗4米闊嘅巨型Rummikub牌架，可以約埋好友去打卡，同場仲有多個親子有獎攤位，包括「破冰行動」、「神射手挑戰」、「擲個好運」及「Rummikub急轉彎」，考驗參加者嘅腦筋靈活度、身手敏捷度等，更有機會贏精美禮品。

此外，秀茂坪商場及鯉魚門廣場喺8月下旬仲會舉行「秀茂坪商場x鯉魚門廣場Rummikub香港爭霸戰」，召集唔同年齡組別人士參加，喺擂台上與高手比拼數字邏輯思考及戰術思維，競逐王者之位，勝出者可獲獎座杯、Rummikub70周年特別紀念版及商戶現金券㗎。而本周六（13日）至21日，逢星期六及日喺鯉魚門廣場2樓仲有「Rummikub同樂日」，現場有多個攤位遊戲及試玩區，可免費任玩。