life@KCC「日本納涼祭」 和風祭典裝置任打卡

七夕（8月4日）就快到，黛安知道，即日起至9月4日，葵興life@KCC將舉辦「日本納涼祭」，為大家打造各種和風祭典裝置，如納涼祭金球燈籠、萬燈巨柱及壯觀宏偉嘅3米高巨型神社等；場內更有多個浪漫祭典打卡位，如夢幻竹林遺迹等，情侶千祈唔好錯過呀。

日本七夕最重要嘅習俗之一，就係喺笹竹上掛上各式各樣笹飾，喺短冊寫低心願，祈求願望成真。場內亦會舉辦笹飾工作坊，分別喺本周六日（30日、31日）及8月4日，免費教大家製作，完成後仲可掛喺場內布置嘅竹枝上許願。

即日至8月28日，逢周四、五、六及日，場內仲會舉行和風市集，精選一系列和風手作飾品、生活小物等攤檔。活動推廣期內喺life@KCC及joy@KCC即日以電子貨幣消費滿$100，可獲印花一個；周六、日及公眾假期喺零售商舖購物滿$200或以上，可享雙倍印花，儲滿指定印花更可換領禮品㖭。