李錦記 X 金象牌 推「蠔皇元貝鮑魚撈飯」

好多上班族生活忙碌，連煮飯時間都無，黛安聽聞，李錦記推出咗「李錦記x金象牌蠔皇元貝鮑魚撈飯」，內含李錦記蠔皇元貝絲鮑魚連醬汁1袋，及金象牌即食茉莉香米飯1盒，只要將即食茉莉香米飯放入微波爐或直接加熱，再將鮑魚連醬汁軟袋剪開，澆上飯上拌勻，最快兩分鐘即可歎到鮑魚撈飯，最適合繁忙又識食嘅都市人。

公關姊妹話，佢個醬汁係以李錦記舊庄特級蠔油秘製而成，鮮味濃郁，加埋元貝絲，進一步提升醬汁嘅鮮味之餘，更豐富咗成個口感。每份鮑魚包含有3隻鮑魚，鮑魚肉質肥美、口感煙韌，配上秘製嘅醬汁，每一啖撈飯食落都好滋味。蠔皇元貝鮑魚撈飯每包建議零售價為$49，已經喺指定超市、便利店同網店有售喇。