南地球辦網上工作坊 紓緩抗疫壓力

疫情困擾咗香港超過2年，唔少人嘅生活同情緒都大受影響。黛安知道，最近非牟利環保團體「南地球」舉辦咗幾個網上工作坊，教大家惜物減廢，同時紓緩抗疫壓力。

例如今個星期三（30日）舉行嘅「快樂JOY種齊抗疫」，請來資深園藝治療師楊翠華（Sasa）做導師，學員只需要自備寬口玻璃瓶、筷子、匙羹、剪刀及清水，主辦方就會提供植物／苔蘚／泥石等，並在華富／利東邨交收，之後就可以上堂喇。報名可【按此】。

另外，星期四（31日）亦有百變玻璃瓶工作坊，教大家用已切割而唔尖銳玻璃製作特色玻璃瓶。報名詳情【按此】。有興趣要快啲報名喇，額滿即止。