周大福足金福虎Tsum Tsum金飾 吉祥又可愛

農曆新年快到，有無諗過送份禮物氹自己開心？黛安知道，周大福今年推出咗一系列以金虎為主角嘅足金擺件及首飾，而大受歡迎嘅「迪士尼經典」系列及「周大福×林文傑教授系列」特色工藝產品，會載譽歸來。另外，今年周大福仲會推出全新嘅「迪士尼Tsum Tsum」系列賀年金飾，每款都好精緻，必定令你愛不釋手。

公關姊妹話，全新「迪士尼經典」系列虎年金章，兩面都會刻上米奇頭像，並以傳統祥雲圖案作襯托，配上如意結御守造型包裝，象徵吉祥如意；新登場嘅「迪士尼Tsum Tsum」系列，就有跳跳虎同米妮打扮成虎年吉祥物，造型好可愛㗎。至於手工精細嘅虎年生肖系列，包括擺件、吊墜、串飾、嬰兒鎖包及手鐲、手鍊和紀念金條等，吉祥福虎會以唔同生動造型現身，無論係可愛嘅Q版金虎或氣勢非凡嘅威猛金虎，每款都表情生動細膩，送禮或珍藏都兩相宜。