東薈城名店倉CLUB CG周年慶 會員1萬積分可體驗Flycation

疫情下大家都好耐無出遠門，黛安都好想去旅行，而家有機會喇，東涌東薈城名店倉為咗慶祝CLUB CG一周年，即日起至下個月3日，將舉辦「一周年Chill慶典」主題活動，除咗有豐富食買玩禮遇，仲破天荒同HK Express合作推出Flycation獎賞，CG CLUB會員只要儲夠1萬積分，就有機會喺下個月16日體驗90分鐘飛行旅程，可以欣賞香港上空及大嶼山周邊嘅迷人景致，等大家回憶下旅行嘅好時光！

公關姊妹話，每位CG CLUB會員最多可以換4張機票，咁就可以約埋親友一齊飛，旅遊達人Jerry. C更會帶團，同大家分享旅遊經驗同飛行趣事，佢仲會同大家玩遊戲兼送商場商戶現金券，機會難逢啊。

就算唔係會員，亦可以憑$2,000或以上合資格消費即場登記做會員，用指定積分參加呢個「賞住‧賞飛」出走之旅。

此外，商場亦打造咗少女系「甜點車」主題裝置畀大家打卡，順便參與3款數碼互動小遊戲，有機會贏取豐富獎品，又可免費製作出獨特嘅相片磁石貼，節目咁豐富，大家唔好錯過喇。