一站式韓國超市美食店 落戶北角匯

黛安係超級韓迷，疫情下無得去旅行，真係好掛住韓國嘅美食。近日收到姊妹報料，原來新世界韓國食品集團喺北角匯打造咗近4,000呎嘅「韓國食品街」，呢個一站式韓國超市及美食專門店，集齊6大人氣韓國品牌，包括Kimchi Factory、Body & Me、Chef & Taste、O'taste、Banchan同New World Mart，由當地直送凍肉、時令水果及食材、保健食品，連各款泡菜、現煮韓式便當及紫菜飯卷等，一應俱全！

黛安收到風，集團為慶祝新店開張，會以「맛」（滋味）為主題，送上近百項新店限定折扣及優惠，更獨家推出「KOREA」驚喜禮遇，顧客由即日起至7月3日，只要英文姓名含有「K、O、R、E、A」其中3個英文字，付款時即場出示附有相片嘅身份證明文件，即可享正價貨品9折優惠（星期日除外），好抵呀！