信和物業管理培訓 青年入行好機會

疫情下好多青年都話難搵工，黛安聽聞信和集團旗下嘅物業管理服務品牌「信和管業優勢」推出「青年躍動計劃」，計劃挑選一班有志投身物業管理行業嘅大學畢業生，為佢哋提供為期1個月嘅多元化職前培訓，包括物業交付、管理、相關法例等。完成培訓後，仲可以幫市區重建項目嘅觀塘凱匯做物業交付工作，整靚份CV呀！

公關姊妹話，只要係應屆大學畢業生、有1年以下工作經驗，為人積極主動、有自信嘅同學，都可以喺今個月15日前報名參加，同月進行遴選面試，4月上旬就會知結果喇。詳情可【按此】瀏覽。