全新恒隆廣場「66」品牌 帶動 Pulse of the City

恒隆啱啱喺上年慶祝咗成立60周年，2021年踏入另一個甲子，新年伊始就再獻新猷。黛安發現，原來恒隆最近全面翻新旗下內地恒隆廣場「66」品牌，象徵集團翻開業務發展新一頁。公關姊妹話，全新品牌標誌以「城市脈動」（Pulse of the City）作設計概念，貫徹集團「以客為尊」嘅服務理念同「以人為本」嘅宗旨。標誌上「66」二字以彎曲綫條相連，寓意恒隆將商戶與顧客連繫起嚟，同時成為連接內地與世界嘅橋樑，亦象徵人喺城市流動嘅活力所帶嚟嘅無限可能。

姊妹話，呢個喺內地家喻戶曉嘅「66」品牌，誕生背後仲有個小故事㖭。話說上海恒隆廣場喺2001年開幕後非常成功，為恒隆喺內地嘅連串發展紮穩根基。由於上海恒隆廣場喺上海南京西路1266號，其中一幢辦公樓高66層，所以就用「Plaza 66」做英文名。後來恒隆喺內地發展嘅項目都喺英文名加入「66」，中文就以「恒隆廣場」命名，全面統一恒隆「66」品牌。