新年元旦好開始 麥當勞早餐全日供應

聽日就係2021年，黛安同所有香港人一樣，期望新一年有好開始。收到公關姊妹報料，聽日麥當勞嘅精選早晨套餐及珍寶套餐將全日供應，希望大家享受豐足早餐後，迎接朝氣勃勃嘅新年。

今晚凌晨4時起至聽晚11時59分，任何時段都可以歎到以上兩款早餐。經典滋味精選早晨套餐，特別用咗豬柳配搭嫩滑炒蛋，加上熱烘烘英式鬆餅及金黄酥脆脆薯餅，色香味俱全！珍寶套餐就包括熱香餅、薯餅及英式鬆餅，配上炒蛋同豬柳，分量十足。其中奶醬口味熱香餅將回歸，濃郁甜奶配搭滑溜Skippy花生醬，配即製熱香餅，帶嚟甜蜜新開始。熱香餅精選套餐會以滋味價$30.5起發售，萬勿錯過呀！

由今個星期六（2日）至2月26日，只要購買「珍寶套餐（連飲品）」、「精選早晨套餐（連飲品）」、「熱香餅精選套餐（連飲品）」或「OmniPork Luncheon新餐肉」系列早晨套餐，就可獲贈禮品乙份，包括威露士免洗搓手液、沐浴露及洗髮水套裝等，數量有限，送完即止。