林盛斌（Bob）一向理財有道，單是見他一家六口連多名外傭所住的大型豪宅就知道，昨日他在社交平台分享自己一直有試用的長銀包法則，點列9項大家選購銀包應注意的事項，有助提升個人財運。
【金牌冰人】林盛斌用兩日極速撮合「有情人」 爆唐詩詠唔領情:你上次又唔幫襯【下一頁】
(東星娛樂）
（林盛斌Facebook）
1. 請你馬上換一個長銀包
2. 最好係要名牌，貴少少嘅
3. 唔好用就咁對摺嗰啲，要有扣或者有拉鍊嘅
4. 將所有紙幣面值順序放好兼同一方向排列
5. 唔好放散紙神沙
6. 唔好放任何單據
7. 經常 keep 住有多少少錢喺銀包
8. 經常保持你個銀包乾淨同整潔
9. 好好對待每一張放入你銀包嘅銀紙
Bob形容：「有d（啲）嘢，真係唔到你唔信。大約八、九年前，我開始咗呢個習慣，由 LV（Louis Vuitton），到 BV（Bottega Veneta），去到兩年前用緊嘅呢個，我發現我嘅財運真係有所提升，我嘅年收入亦不知不覺間一步一步多咗。曾經有一個好有趣嘅統計數字，你嘅年收入（當然未必絕對準確）大約係你銀包價值嘅200倍。信不信由你，反正我信了，亦實踐中！乖啦，今日，去買個靚靚哋嘅長銀包啦。」見Bob照片中的長銀包是名牌Hermes，而且脹卜卜，似乎入面都有不少紙幣。
【教女演員擺陣奪金馬影后】陳定幫為Bob睇風水丁財兩旺 開拓免費算命App留時間陪家人【下一頁】
（林盛斌Facebook）
（《晴報》資料圖片）
Bob這個理論引起網友激烈討論，有人表示非常認同，而且實行過是真的，大家都紛紛上載自己的銀包照片。有人留言笑稱連名牌銀包都買不起，亦有人追問那李嘉誠會用甚麼款式的銀包，議論紛紛。Bob的好友陳定幫留言說：「都話有用呀啦！」陳定幫揚言自己的銀包跟Bob同款，果然有默契。不少網友趁機會洗版式Tag另一半，希望借Bob的一席話，可以說服到另一半為自己購買名牌銀包，認真鬼馬！
其實相關理論曾經見於一本書籍《為什麼有錢人都用長皮夾？年收入200倍法則！改變25萬人的錢包增值術！》，Bob直言幾年前已經看過這本書，感覺真的有用，所以推介這個方法給大家。後來Bob補充說：「各位，記得有時間就去買個長銀包啦！不過其實真係要財富增加，除咗要買長銀包，同埋做到我個（嗰）幾點之外，當然要努力工作，有正確嘅目標同態度，好好增值自己，呢幾樣先至係最重要！加油！」
（林盛斌Facebook截圖）
（林盛斌Facebook截圖）
責任編輯：楊安莉