海港城聖誕布置虛擬打卡 綫上感受節日氣氛

每年海港城嘅聖誕裝置都係打卡熱點，不過因疫情關係，黛安知道大家都要盡量保持社交距離。聽公關姊妹講，今年海港城就邀請咗荷蘭藝術家Eva Cremers設計聖誕布置，準備咗唔同嘅綫上活動，等未能到現場嘅朋友都可以感受到節日氣氛。姊妹話，即日起大會預設咗12個聖誕場景做背景選擇，大家可以喺網上欣賞聖誕裝置和「實景節日布置虛擬打卡」，包括有聖誕老人現身，影完可以將自己同摯愛好友嘅相貼喺背景上，再開心share去社交網站。

另外，今年商場都改變咗聖誕音樂表演模式，現正招募3至12歲嘅小朋友，拍攝自己嘅聖誕歌唱表演upload上網，喺指定日期內捐款$50畀「香港血癌基金」，海港城就會精選部分表演片段，喺場內嘅電子屏幕和海運大廈全新戶外大屏幕定時播放，短片經剪輯後仲會upload去海港城社交媒體平台播放㖭！