萬寧推社區藥劑服務 逾50駐店藥房助有需要市民

冬季流感加新冠肺炎夾擊，唔少人擔心個人健康。黛安聽姊妹講，萬寧即日起會喺全港50幾間駐店藥房推出萬寧社區藥劑服務，包括全港市民均可享用嘅公立醫院取藥升級服務、免費藥物及用藥諮詢服務同小病痛評估及建議，除幫助有需要市民，更幫到前綫醫護人員做分流，減少社區傳播病毒嘅機會㖭。

由4月開始推行嘅公立醫院取藥服務，將升級覆蓋全港17間有急症室嘅公立醫院，睇公院專科門診嘅市民，去全港36間有駐店藥房嘅萬寧分店做登記，就會有專人將藥由醫院送到分店，唔使舟車勞頓去醫院拎！

另外市民唔需要預先登記，只要帶埋想查詢嘅藥物，就可以去有駐店藥劑師嘅分店，免費查詢服藥問題，如不同藥物相互影響等。萬寧又建議有傷風、頭痛、腸胃問題等小病痛病徵時，去藥房接受評估同配藥建議，以免自己病情出現延誤。