McCafé遇上麥提莎 享受咖啡聖誕驚喜

下個月就係聖誕節，McCafé再度聯乘麥提莎即日起帶來Merry Sweet-mas系列，多款甜蜜熱飲為聖誕節帶來驚喜。其中麥提莎熱朱古力喺香濃順滑熱朱古力上，以朱古力粉撒上聖誕老人圖案；麥提莎果仁朱古力咖啡就喺香濃熱朱古力咖啡加上夏威夷果仁風味，而麥提莎凍特濃朱古力咖啡就係絲滑咖啡與香濃朱古力味結合，「咖啡控」千祈咪錯過呀！

3款飲品仲會送上一包麥提莎朱古力；另外，薑餅鮮奶咖啡亦大熱回歸。本月16日至22日，麥當勞App用戶仲可以$19就歎到中杯麥提莎凍特濃朱古力咖啡㖭！