Mira Place恐龍聖誕派對 愉景灣化身歐洲小鎮

今個聖誕節好夢幻！黛安收到風，知道「戽斗星球」系列嘅「戽斗恐龍」嚟到香港喇！Mira Place今年將舉辦盛大又有趣嘅「SANTA CLAWS」恐龍聖誕派對，與大家重拾童年回憶。

公關姊妹話，除咗場內一系列打卡熱點，仲有3大互動體驗裝置，包括「恐龍腳印地板」、「AR戽斗恐龍畫展」、「戽斗恐龍逃脫」等，加入近來大熱嘅AR擴張實境技術，可以喺設有感應裝置嘅恐龍腳印地板上跳舞，仲有「CLAWS CRAZY TIME」恐龍燈影音樂滙演，真係好吸引。

而充滿南歐小島風情嘅愉景灣，今年聖誕將以「冬日歐洲小鎮」做主題，喺愉景北商場設置夢幻旋轉木馬，仲有用花卉粉飾嘅心鎖長廊，D'Deck臨海露天美食區亦有齊特色餐廳，加上近日有多間售賣歐洲進口貨嘅精緻小店進駐，最啱約埋閨密或情人去啦。另外，聖誕期間仲會推出「冬日禮遇雙重賞」，惠顧任何餐廳或商店以電子貨幣消費滿500元，即日就可獲100元餐飲禮券回贈，消費滿800元額外再送100元。