Kakao Friends 3D八達通配飾推出！ 下周三全綫7-11有售

Kakao Friends造型搞笑趣致，一向深受大小朋友歡迎，嚟緊仲可以日見夜見㖭！黛安知道，八達通宣布推出「Kakao Friends 3D八達通配飾」，兩款全新成人版八達通仲用上動物做主題，超人氣角色獅子Ryan同桃子Apeach分別化身成可愛熊貓同兔仔，仲配有金屬扣，扣喺袋上方便隨時用！

每款Kakao Friends嘅動物服裝仲可自由穿配，可變身各種可愛招牌角色或動物造型。下星期三（28日）朝早7點起就喺全綫7- Eleven便利店公開發售，每款售$188，不設按金及儲值額，記住唔好錯過喇！