麥當勞脆洋蔥安格斯漢堡回歸 特厚牛肉惹味爽口

黛安對食物都好有要求，最近收到風，採用100%安格斯牛肉炮製嘅麥當勞The Signature Collection系列漢堡又有新搞作，公關姊妹透露，今日（19日）起「脆洋蔥安格斯」將會再度上架，仲係期間限定㖭。

如果你仲未食過，就一定唔好錯過。因為「脆洋蔥安格斯」唔止選用重達130克嘅100%特厚安格斯牛肉做「核心」，仲加入口感清爽嘅雜菜絲，同埋香口惹味嘅脆洋蔥點綴，再加上香濃忌廉芝士醬、濃香肉汁醬、香嫩煎蛋同白芝士去襯托，啖啖都「脆味爆燈」㗎。

想食好嘢又唔使怕荷包受傷，公關姊妹就教路話要用盡優惠，好似用麥當勞App內優惠券買「脆洋蔥安格斯」及「蘑菇安格斯」套餐，即可減$5；而「芝士安格斯」套餐更會以激筍價$32推出，必定滿足到一眾牛魔王嘅慾望啦。