Frozen夢幻特展設10大主題區 360度體驗過足「冰雪癮」

「Let it go！Let it go！」風靡萬人嘅冰雪女王愛莎，帶住安娜公主同廣受好評嘅《Frozen夢幻特展》嚟到香港喇！黛安收到風，今次特展首次選址香港登場，當然要有「香港站獨家」主題裝置，包括「阿德爾女王加冕」同「魔法森林女王愛莎」，玩家唔單只可以見證愛莎同安娜嘅奇幻旅程，仲可以「親身」體驗魔法奇迹。

公關姊妹力推黛安要玩「魔法森林女王愛莎」主題區，喺長達13米嘅召喚區360度體驗愛莎受心底聲音呼召嘅感覺，仲可以喺「冰晶森林」嘅互動投影區用魔法召喚Frozen經典角色，保證過足「冰雪癮」。

喺將軍澳中心舉辦嘅特展有成10個主題區畀玩家任意縱橫，必然滿足到冰雪迷朝聖之心。展期由11月17日開始至明年2月28日，記住早啲訂飛享用早鳥優惠啦。