【食用安全】將軍澳生果檔疑出古惑招 街坊買$98香印提子底部全爛嘆受騙【附3招分真假香印提子】

近年不少水果愈賣愈貴，惟價錢未必與質素成正比。一名港女在網上發帖大呻，日前在街市水果檔買提子，回家後發現接近一半均已爛掉，嘆喟「$98買個教訓」。不少網民留言直斥該間水果店黑心，並質疑該款提子並非正宗的香印提子。有水果專家提醒，可用3招分辨真假香印提子，保障自己。 

一名女子昨日（5日）在Facebook群組「將軍澳主埸」圖文並茂發帖，稱於區內街市一個水果檔購買香印提子，回家後卻發現該束提子中，幾乎有一半都已爛掉。從照片所見，該束提子屬預先包裝好的款式，最上面的一串提子完好無缺，惟底部的提子均已現啡黑色點，甚至有破洞。事主最終嘆喟：

「$98買個教訓。」

專家教你1秒揀香甜多汁巨峰香印，食前冷藏清洗延長葡萄保鮮期，詳情即睇：【下一頁】

網民怒批離譜  多人稱曾中伏

帖文引發網民熱議，紛紛怒斥該水果檔的行為是黑店之舉，「離譜，奸商」、「遮遮掩掩賣畀人」，並謂圖中提子已非發霉或被壓爛，而是「被蟲咬爛」，著事主「拎返落去退錢」。

同時，亦有大量街坊指出該水果檔惡評如潮，不僅「每個月都有人喺呢度講呢間嘢唔老實，但每個月都有人中招」，而且該店「唔畀人拎起水果，唔畀人揀，只可以用眼望」；甚至有人指該街市所有生果檔都是「黑店」，「試過親手揀咗啲生果畀完錢之後換過第二袋畀你，買過兩次啲生果都爛嘅」。有街坊直言：「街坊生意呃得幾多次？自掘墳墓！」

另有網民質疑事主買入的提子或屬假貨，「呢間話就係話香印，但個盒係簡體字」、「一定大陸啦，一嚿水邊買到日本香印」。亦有人指市面上充斥假香印提子，令人防不勝防：

「最激氣就係出面街啲生果檔，檔檔係唔係三四十蚊都話香印，濫用香印名字呃人！」

專家教3招分辨真假香印提子

早前，TVB《東張西望》攝製隊走訪全港多區的街市生果檔，發現不少檔口都有售賣標榜「香印」或「晴王」的提子，只售$45至$90一包不等，部分包裝印有日文字、貼有鐳射標籤，甚至印有簡體字貼紙或國語拼音，不禁令人質疑其真實產地。節目組遂邀請食品公司負責人陳錦輝，以及進口水果店負責人Gigi，分享3招分辨真假香印提子，其包裝可謂辨別重點：

1. 無鐳射標籤

陳錦輝指，正宗日本進口的香印提子包裝並無鐳射標籤，亦不會自己設計包裝及貼紙。

2. 包裝列明產地及JA認證

Gigi表示，日本香印提子的包裝上一定會列明產地，以及有「JA認證」，而盒子亦會標明上述資料，提醒可一併留意。

3. 提防淘寶標籤貼紙

淘寶網上有售各種日本水果的標籤、貼紙金、包裝紙，故要小心提防，最好到有良好信譽的店鋪購買。

拆解四色提子營養價值，營養師：洗後放太久營養易流失，詳情即睇：【下一頁】

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女
https://fb.com/HealthyLifeExpress/

撰文：賴天兒