亞參雞飯最新宣傳片貼地入腦 2日逾20萬人次瀏覽

依家網上資訊咁多，要做到成功吸引大家嘅眼球，最緊要係夠「貼地」！黛安最近睇過太興集團旗下「亞參雞飯」最新嘅宣傳片，一句句熟悉嘅台詞非常洗腦，聽公關姊姐妹講，宣傳片upload兩日已經有20幾萬瀏覽量！

呢段宣傳片叫《99分海南雞飯Formula》，男主角化身做最近社交媒體話題人物Brian Cha，用佢嘅出位風格分享成功之道，一句「嘢唔到肚，橋唔到腦」，押韻又入腦，再深入介紹點樣做到99分，就係靠一分耕耘，兩擔心機，再加三黃靚雞。用飼養100日最嫰滑嘅三黃雞，加上秘製雞湯浸煮海南雞飯，配合吸盡精華嘅油飯和秘製三色醬、雞湯，就好似片中所講︰「它本身就係一條自動吸客Formula。」

公關姊妹話，亞參海南雞飯係用超過80次改良再改良，先至尋覓到屬於99分嘅雞滑飯香。黛安都好想試下啊，依家佢哋會送40份雞飯畀《晴報》讀者，詳情要留意《晴報》聽日2點鐘嘅Facebook啊！