46歲的馬國明昨晚被踢爆獨訪33歲的湯洛雯香閨後，兩人凌晨齊齊在IG甫相承認戀情，消息震驚整個娛樂圈，不少藝員好友都紛紛留言送上祝福。陳敏之、高海寧、鍾嘉欣、楊秀惠、岑麗香、蔡思貝、岑杏賢等都表現得非常雀躍，為這個好消息大為興奮，其中陳敏之直接催婚，叫兩人快啲結婚生仔，而李施嬅亦大讚兩人有「夫妻相」，希望可以終成眷屬。
相關新聞：【安心偷食後同黃心穎分手】馬國明被爆上湯洛雯香閨短聚 IG齊齊甫相極速公開承認戀情
(圖片：湯洛雯IG）
（圖片：馬國明IG截圖)
（圖片：湯洛雯IG截圖)
兩人在各自的IG上載一張毛公仔的合照，獨角獸挽著白馬，正式公開戀情，不少網友都大讚兩人合襯，更形容今次是煲「明」火「靚湯」，幾乎一致性讚好。短短10小時內，馬明和靚湯的「認愛」IG Post已經有8萬和9萬多的人畀Like，認真威威。
不過，大家當然都好關注馬國明的舊愛、湯洛雯的好姊妹黃心穎的反應，黃心穎接受傳媒電話訪問，被問到會否祝福兩人，她表示：「祝福佢身體健康、平安。佢私人嘅事留番畀佢回應。」
相關新聞：【萬眾期待】馬國明開IG加25位圈中好友 親解冇follow黃心穎原因...
（圖片：東星娛樂）
（圖片：東星娛樂）
黃心穎跟馬國明2017年傳出緋聞，多年被傳媒拍到一齊睇戲食飯，但一直都沒有公開承認關係，每次被問都只是稱了解中，曖昧滿分的緋聞長達一年多，兩人才慢慢鬆口默認關係，可惜發生「安心偷食」事件，馬明事後處處維護心穎，直至7月才承認兩人分手的消息。不過馬明跟靚湯今次處理手法截然不同，傳媒指二人發展地下情僅僅兩個月，首次被拍到就已經高調承認戀情，一洗馬明以往的低調作風。
（圖片：湯洛雯 IG )
馬國明媽媽在發生「安心偷食」事件後，揚言不是跟黃心穎見過好多次。（圖片：資料圖片）
馬國明出名孝順仔，除了供養父母又跟家人住之外，出入都會用手拖實媽咪，絕對是廿四孝乖仔，一向被形容為是圈中的「筍盤」，而靚湯雖然年紀較輕，不過她只要放假就喜歡跟家人一齊去旅行，一家四口的溫馨合照總會出現在社交平台，跟家人關係同樣好得不得了。
責任編輯：楊安莉