許文山重疊藝術展 港鐵中環站有得睇

黛安最近見到中環站J出入口有多幅關於大自然風景嘅畫作，聽公關姊妹講先知道，原來佢哋整咗個「重複自然--文山的重疊和重置藝術展」展覽，展出許文山先生（藝名文山）嘅藝術創作，由即日至7月31日有得睇呀。

作品用咗重疊法展示唔同層次嘅大自然景象，充滿真實感。文山先生同黛安講，大自然充滿生機同美態，唔同動植物皆茂盛咁成長，形成數之不盡嘅層次，就係呢啲場景啟發佢嘅創作靈感。港鐵公司事務總監蔡少綿就話，今次展覽等大家可以透過畫作喺忙碌生活中抽空欣賞到大自然嘅美，同時提醒緊我哋要保護同愛惜環境。大家經過中環站時，記得行去睇下。