士可殺不可辱

美國雖然係一個所謂嘅民主地方，但好多時候，你都可以感受到那裏有些白人從骨子至眼神，對待有色人種的歧視。他們自認在血統和膚色上高人一等，對有色人種充滿偏見和歧視。我唔係常去美國，但好多次都感受過他們自以為事的優越感，所以我不太喜歡去美國。

最近嗰次經歷，係上年我同一班內地同學去西雅圖的遊學團。話說我之前和3位同學去了一間餐廳，飲白酒食蠔，招呼我們的菲裔美國人非常熱情，令我們有一個開心的晚上。於是我們在臨離開美國前兩天，再去這間餐廳一次。打電話去預約時，他們說要收取25％的服務費，我說無問題。到當天打電話reconfirm我哋嘅預約，又再提醒要畀25％的服務費，我又說無問題。

到當天，我哋去到，負責服務我們枱的是一位白人女人。她面上一直都帶有輕視眼神，take我哋order時木無表情；當我們想點白酒時，她堅持要看我們「每個人」的護照，才給我們落單。

老實講，橫睇掂睇，雖然外國人睇中國人比較年輕，但我哋真係無一位在場人士個樣細過30歲，仲要係超級無禮貌。你可能以為佢無表情係因為面部麻痹所致，但佢對隔籬的白種客人卻笑容可掬。你好明顯感受到佢嘅冷暖之分。

我其他同學好nice，話算啦，佢哋唔係一定要飲酒，但我真係好嬲。我哋嚟消費，仲要受白眼！仲要畀小費？No way！今時今日嘅種族歧視態度，我絕對唔會啞忍！士可殺不可辱，我哋走！所以我係唔會移民外國做二等公民的，因為至少我仲可以瀟灑地走。

（本欄逢周四刊登）