emoji旗紙X綫上賣旗 賣旗搞搞新意思

黛安一向都支持非牟利機構賣旗籌款，最近西貢區社區中心（SKDCC）就創作咗emoji®旗紙，仲可以綫上賣旗，真係好有意思。聽公關姊妹講，SKDCC為應對疫情發展，推出創新嘅賣金旗方式︰綫上賣旗義工，即使足不出戶都可以賣旗籌款，更有機會獲得精美emoji®限量版紀念品㖭！

7月18日SKDCC就會舉行新界區賣旗日，為非資助服務籌款，幫助住喺偏遠鄉郊地區嘅長者及有需要人士。今次喺綫上捐款滿$200就可獲得金旗套裝乙份；如果成為綫上義工，籌款達$500及$1,000，分別可以獲贈毛巾同獎牌。有興趣嘅朋友，可以上網站https://runforcharity.skdcc.org/，登記成為義工。