佘詩曼（阿佘）憑住《延禧攻略》「嫻妃」一角喺內地爆紅，吸金力極強，身家億億聲，更係娛樂圈出名「樓后」。近日佢參加內地綜藝節目《看我的生活》，邀請圈中好友歐陽震華（Bobby）、郭少芸作客，大談對婚姻同生育的看法。
阿佘憑住「嫻妃」一角喺內地爆紅（圖片：影片截圖）
（圖片：影片截圖）
5月28日就45歲嘅阿佘，表示好羨慕Bobby同太太咁恩愛，佢話以前都有男朋友，但嗰時太注重工作，另一半接受唔到，佢又直言對婚姻好有憧憬，又接受唔到啲人點解要離婚。Bobby問阿佘有冇諗過「雪卵」？阿佘好憂慮咁話：「我現在已經45歲，生小孩最快要47歲。當他20歲時我已經67歲，我能生出來嗎？」
相關新聞：【跨越生產危機】 佘詩曼素顏探B唔夠梁靖琪囝囝搶鏡 林子善太太作小產終誕餅印囡囡
（圖片：影片截圖）
（圖片：影片截圖）
阿佘其實都想做媽媽，只係擔心自己年紀大（圖片：影片截圖）
而唔少人嘅重點都放咗喺阿佘超豪華嘅千萬豪宅，事關真係好大好靚！
從影片中可見，單單客廳同飯廳已經好寬敞，飯廳位有裝飾櫃擺滿阿佘珍藏﹐仲擺得落夠6個人坐嘅餐枱。至於客聽裝修係時尚簡潔路線，放到張L型大梳化，一張大茶几，阿佘成個人瞓上梳化仲有大把位剩！單單係客飯廳已經大到咁，可想言之成個單位面積唔講得少呀！
飯廳勁大！（圖片：影片截圖）
（圖片：影片截圖）
呢個客廳冇得輸！（圖片：影片截圖）
唔少網民都好好奇阿佘究竟住邊，據知原來阿佘住嘅唔係佢真正擁有嘅住宅，而是尖沙咀K11 ARTUS，屬於服務式住宅，最細開放式單位月租5.7萬至9.5萬元，而如果係3房，月租叫價高達32萬元！
超大L型梳化（圖片：影片截圖）
其實阿佘除咗影片入面嘅單位，仲有多個磚頭揸手，出晒名愛買樓投資，係圈中嘅富婆。
阿佘喺2003年地產市道低潮時，以500萬買入北角雲景道海景台，最後喺2010年以約1,300萬元轉手，帳面大賺約800萬元。到11年佢再以1800多萬購入畢架山帝景峰約1,500尺單位，及後分別於12、13年間，用3,900多萬買入跑馬地紀雲峰一個千呎單位，以及約800萬嘅紅磡昇御門。
（圖片：佘詩曼微博）
2015年阿佘為報答媽媽養育之恩，一口氣斥資約3,500萬元，喺西貢南山村買入兩幢背山面海嘅相連獨立屋，一間送畀媽媽同哥哥一家，一間獎勵自己。而到2018年，有指相連獨立屋市值合共已超過5,000萬元，銀碼大增。
現時西貢南山村獨立屋，單幢已經叫價約3,000萬（圖片：squarefoot官網）
（圖片：squarefoot官網）
2016年，被爆岀與佘詩曼英文名同名「SHEH CHARMAINE」嘅人，以1406.6萬元購入位於何文田皓畋6座嘅高層F室，實用面積587平方呎，屬於2房2廳間隔。佘詩曼多年來投資有道，單靠手上嘅物業都可以下半世生活得好舒服啦！
阿佘出名錫媽咪（圖片：佘詩曼IG）
撰文：羅慧怡
責任編輯：楊安莉