新劇《飛虎之雷霆極戰》今晚首播，黃宗澤、吳卓羲、馬國明上節目《Tiger`s Talk》向伍詠薇破天荒大爆感情世界，內容相當搞笑。
伍詠薇先問他們有沒有對象，黃宗澤竟叫林盛斌做外父，搞到他嬲爆想打人：「忍咗你好耐，仲要講幾次！變態㗎！」原來事緣有次林盛斌向大家介紹他3個囡囡，方力申、黃宗澤大叫：「我要溝你個女！」但林盛斌突然轉口風：「如果我3個女可以嫁畀你哋，做我女婿ok嘅。」吳卓羲、黃宗澤踢爆：「扮大方，內心咒緊我哋。」連伍詠薇都話對林盛斌囝囝有興趣。
(TVB電視截圖)
被問到有否試過與演員因拍劇撻著，伍詠薇率先爆料：「我以前容易嘅，單方面對鄭則仕戲假情真。」馬國明表示從未試過：「我抽離得好快。」吳卓羲笑道：「返到屋企唔會再諗，邊敢呀。」不過他就指可借拍劇連續擁有多個女友。黃宗澤坦言曾在拍攝中途懷疑愛上對手，發現她不適合自己而作罷。他補充若對方想追求他，但知名度不如他，擔心她會在二人食飯前通知傳媒採訪，所以他很抗拒單獨約會。
(TVB電視截圖)
不過同圈外人拍拖都有難處，吳卓羲就話有前度不太理解他工作，每當他拍親熱戲都會質問，他卻回答：「睇多幾次就慣。」黃宗澤提議下次拍拖可迫女友不停看他入行至今拍過的床戲，讓她先習慣。
(TVB電視截圖)
另外，伍詠薇認為黃宗澤形象「壞壞哋」，馬國明是住家男，好受女生歡迎，但覺得他應該會拒絕「飛來蜢」，好難找到女友。馬國明否認，吳卓羲大驚：「唔怪得咁多年我哋喺TVB都食白果。」馬國明反駁：「你夠膽講呢句？」
(TVB電視截圖)
(TVB電視截圖)
最後伍詠薇向林盛斌講，想跟馬國明一夜情：「我婚前遇過好多男人，重新揀我會反其道而行，（吳卓羲個小腿粗到！）呢種腳型我嘆過好多次，我未嘆過嘅形狀就係馬國明。」吳卓羲笑道：「你會點形容佢？唔郁形？」她馬上幻想：「佢好投入嗰陣會天旋地轉（攞個頭轉落你個身度？）我個頭鑽落佢度都得，佢當我波咁踢都得。」
(TVB電視截圖)
{{hket:inline-image name="21.jpg"}}{{/hket:inline-image}}
(TVB電視截圖)
而男朋友就會揀黃宗澤，她解釋：「佢好有情趣，多計仔，呢個就夜夜情。」
(TVB電視截圖)
餘下來的吳卓羲就是老公，他說：「咁就慘喇，揀我做老公就死！」伍詠薇鬧：「你嫌我老呀？你會等我返屋企，會忍我。」林盛斌就同吳卓羲講：「就算你不舉，佢都會鍾意你。」伍詠薇認同：「我會幫到你！我會傾偈，我把口咁叻。」
(TVB電視截圖)
撰文：張芷晴
責任編輯：楊安莉