胡定欣37歲、唐詩詠37歲、田蕊妮更加已41歲，近年TVB出產的視后一直被外界詬病年紀有點大，反映青黃不接問題愈來愈嚴重，但其實TVB本身都有不少優質新力軍，當中年僅28歲，憑《跳躍生命線》成功突圍的張曦雯，不僅樣子標緻、身材姣好，就連演技亦不俗，難怪深得觀眾喜愛，TVB當然唔會放過呢隻會生金蛋嘅鵝，一口氣安排四部重頭劇畀佢，更加有網民預計，只要是旦一套跑出，張曦雯都絕對有力於明年成為視后！
憑《跳躍生命線》彈起 參演四部重頭劇
《跳躍生命線》除了發人深省的大道理，幾條觸動人心的感情線同樣是劇集做得非常出色的部份，當中被車撞倒瀕死的張曦雯，更因角色討好獲觀眾集氣要求唔好死，認真誇張。幸好最終大團圓結局，張曦雯成功翻生，觀眾頓時舒了口氣。
不過《跳躍生命線》其實只是張曦雯上位的起步，原來她被TVB睇中力捧，獲安排參演《金宵大廈》、《白色強人》、《解決師》與《飛虎之雷霆極戰》等四部重頭劇，當中貴為王牌系列的《飛虎》，劇組不單遠赴英國取景，更請來荷李活影星Lee Pace強勢加盟，男主角仲有苗僑偉、黃宗澤、吳卓羲與馬國明等等，而張曦雯於劇中飾演特工，更會與黃宗澤有感情戲，相信肯定有不少發揮機會。另外，張曦雯更於TVB節目巡禮當晚，獲安排站在第一排，顯然獲公司力捧，不過佢就好謙話：「我都唔知係咪（力捧）喎！但公司畀嘅每個機會我都會盡力做到最好！」認真識講嘢！
成功非僥倖 出道六年苦等發揮機會
其實張曦雯入行六年，能夠得到如今成績，全靠自己努力不懈，她不是富二代、星二代，沒有強勢的家庭背景，父親是技工，母親開美容院，直至小學四年級移民美國芝加哥之前，一家人住在黃大仙公屋，收入一般。2012年，張曦雯完成大學課程後參選國際中華小姐，勇奪冠軍。
其後張曦雯決定加入TVB留港發展，因為說得一口流利英語，而被安排做明珠台《港生活·港享受》及翡翠台《東張西望》時段內的《Pearl Tonight》主持。雖然出鏡時間不長，但高貴大方的形象成為網民討論焦點。去到2016年，TVB見張曦雯人氣急升，終於安排她演出第一部劇集《律政強人》，劇中她飾演律師潘希文Libby，與前輩方中信、廖啟智等交手。同年年底，張曦雯於旅遊節目《3日2夜》做主持，以泳衣上陣，突出玲瓏浮突身材，順勢成為新一代性感女神。而於去年年，張曦雯迎來第二部劇集，於港韓合拍的短劇《7日羅曼史》飾演黃翠如的好朋友，故事開始她以性感晚裝出場，原來她早就搭上黃翠如男友陳智燊，二人更在辦公室激咀，搶眼度滿分。雖然那幾年張曦雯討論度的確很高，不過大家多著眼在她身材或嫵媚表情上，無論主持還是角色的發揮機會都不多。見到大家忽視自己的演技，張曦雯決定豁出去，於Big Big Channel《降魔的番外篇 - 首部曲》扮醜做鬼，飾演羅伽，希望令外界明白佢唔係得個樣！
最後皇天不負有心人，TVB安排張曦雯在第三部劇集《跳躍生命線》做馬德鐘情人，這次戲份直迫陳瀅、劉佩玥，多過前輩張文慈，終於擔正做主角，憑催淚演出成功彈起。辛苦六年，張曦雯終於成為TVB重點力捧對象，加上有年輕這個最大優勢，難怪外界都睇好佢有機會成為視后接班人。