夠創意 送中移動月費加最新5G手機

大部分都市人習慣「機不離手」，黛安都唔例外，如果要趕上時代步伐，梗係要用最新同最快嘅網絡啦。聽公關姊妹講，中國移動香港（CMHK）4月1日正式推出5G服務計劃，仲特意推出「全城移動邁向5G」活動，參加者有機會獲得5G服務6個月月費，同最新5G手機㖭！

公關姊妹話，由即日起至3月28日，只要透過MyLink手機應用程式登記參加「全城移動邁向5G」活動，以創意回答簡單問題，就有機會獲獎；其中最具創意作品大獎名額有5個，如果被選中仲可獲得CMHK嘅指定5G服務計劃6個月月費豁免，以及最新推出嘅Samsung Galaxy S20+ 5G手機1部。

至於二獎同三獎都有豁免指定5G服務計劃月費3至6個月等，名額有500個！活動受條款及細則限制，詳情可參閱MyLink活動頁。