Panasonic曬被寶踢走衫褲鞋襪罨味

近日天氣回暖濕度又高，疫情下更要保持清潔，可惜回南天啲衫經常乾唔透，好易滋生細菌同散發異味，公關姊妹聽到黛安咁講，即刻有好介紹。佢話Panasonic曬被寶FD-F06S1H推出乾衣連烘鞋套裝，跟機附送掛衣架、乾衣袋及烘鞋噴嘴，可將外套等衣物放入乾衣袋內烘乾，踢走罨味乾爽晒。

Panasonic曬被寶FD-F06S1H用法簡單，只要將掛衣架放入乾衣袋掛起衣服，拉上拉鏈，將噴嘴套入乾衣袋內扣好，選擇衣服模式以高溫烘乾就得。除咗烘衫，只需套上烘鞋噴嘴並放入鞋內，亦可消除鞋內嘅異味同細菌。部機仲有被褥防蟎模式等功能，可有效擊退塵蟎及趕走致敏源，烘完後被窩暖笠笠，有助入眠；或者可使用涼風吹送模式，夏天用時更涼爽，一年四季都啱用！