旺角T.O.P夥拍Cici's Story 萌爆LULU同你慶祝情人節

聽日就係情人節，大家諗到節目未？黛安收到風，旺角T.O.P This is Our Place特別同潮牌Toyzeroplus嘅Cici's Story聯乘，推出全港首個午餐肉罐頭小精靈LULU主題活動。公關姊妹話，即日起至3月31日，肥嘟嘟嘅LULU會出現喺T.O.P，仲會化身成獨角獸，情侶們除咗可以同巨型LULU喺商場5樓花園放空輕鬆下，場內仲有兩大LULU主題裝置，去打卡同影相一流呀。

LULU咁可愛，係咪好想帶佢返屋企？只要喺活動期間，喺商場累積電子消費滿指定金額，就可換領獨家限定LULU獨角獸造型Figure同文青Tote Bag！其中「3月限定」換領嘅植絨LULU公仔，限量得300個，到時喺商場累積電子消費滿1,000元就得（最多累積3張單，必須包括非餐飲商戶），想知道最新詳情記得留意商場fb專頁消息喇。