同花燈打卡 欣賞傳統建築 KUROMI化身桃花天使

簡單都可以浪漫，黛安收到風，由即日起至3月1日，馬鞍山廣場、+WOO嘉湖、置富都會及置富第一城4大商場都會設置超萌KUROMI打卡場景，今個情人節大把好去處啦。公關姊妹介紹，喺置富第一城有3米高嘅大型KUROMI花燈同桃花牆，手執桃花嘅KUROMI同BAKU坐喺花燈兩旁，大家到時去打卡實夠晒浪漫。

馬鞍山廣場都會見到KUROMI首次以1.8米高舞獅造型登場，仲有「KUROMI巨型風車陣」，2.5米高超巨型風車加上應節年花圃，夠晒搶眼。置富都會就有以KUROMI為首嘅鼓樂團，每個堂鼓都印上樂團團員嘅頭像，而2.8米高嘅KUROMI大堂鼓，真係特別有氣勢。

至於喺+WOO嘉湖「花滿開亭園」就以傳統中國建築為設計藍本，由門樓、窗框以至大拱門都融入KUROMI特色，令人陶醉其中。

除咗呢4大打卡場景，置富Malls仲特別打造「KUROMI DIY賀年照相館」，有多款KUROMI相框，同大量KUROMI小貼圖、吉祥字句，等大家設計獨一無二嘅靚相！