買自家品牌飯盒 7-Eleven送迷你可樂

好多打工仔食無定時，如果有一個飯盒可以隨時隨地都食到就好啦。黛安知道，即日至2月14日，去7-Eleven買自家品牌7-SIGNATURE指定10款焗飯或蒸飯或炒飯系列1件，仲送可口可樂迷你裝200毫升1罐，真係好抵啊。

公關姊妹介紹，7-SIGNATURE飯盒系列喺香港製造，採用獨立包裝，每款都用料豐富，而且30元內就買到，選擇好多，例如漢堡扒香草茄焗飯、白汁芝士海鮮焗飯、泰式咖喱肉碎炒飯、欖菜欖角雞粒炒飯、揚州炒飯、陳皮馬蹄牛肉蒸飯、鳳爪排骨飯、北菇滑雞飯、土魷肉餅飯、鹹魚肉餅飯等，就算日日食都唔會厭啦。