McCafé買飲品換玫瑰蛋糕 向愛侶送甜蜜驚喜

下個星期五（14日）就係情人節，甜蜜同驚喜又點少得。公關姊妹同黛安講，McCafé由今日（7日）起就會推出期間限定「蜜桃軟心玫瑰蛋糕」；而早前推出嘅「麥香豬」亦會大熱回歸，期間限定加入麥當勞「超值選」同「A+B下午茶餐」，希望大家食得開開心心，甜蜜滿滿。

情人節除咗送禮物畀另一半，玫瑰花都係主角，今次McCafé推出嘅「蜜桃軟心玫瑰蛋糕」就係以紅玫瑰為主題，每件售25.5元嘅蛋糕，以玫瑰慕絲搭配濃郁清甜嘅蜜桃果醬，幼滑嘅慕絲同綿密嘅海綿蛋糕互相配合，真係非常好味。喺大部分McCafé購買指定飲品一杯，更可以18.5元換購蜜桃軟心玫瑰蛋糕一件。如果買一盒兩件嘅「蜜桃軟心玫瑰蛋糕禮盒裝」，仲會附送心意卡畀大家，用嚟向愛侶表達愛意就最啱啦。

另外，由下周一（10日）起，早前推出嘅「麥香豬」亦會以優惠價13元加入「超值選」。「麥香豬」係以鬆軟麵包夾住炸至金黃酥脆嘅吉列豬扒，配以新鮮生菜絲和軟滑車打芝士，食落啖啖滋味！全新「超值選」將會喺早上11時後以超值價發售，而「麥香豬」同時亦會加入「A+B下午茶餐」，供應期及數量有限，大家唔好錯過喇！

「蜜桃軟心玫瑰蛋糕」供應細則

供應期︰2月7日起全日供應

供應點︰全綫香港McCafé（不包括合和中心McCafé）及澳門指定McCafé

售價︰蜜桃軟心玫瑰蛋糕售25.5元

蜜桃軟心玫瑰蛋糕禮盒裝（2件）售45元