武漢肺炎擴散至全球多地，「夠唔夠口罩」成為咗大家嘅第一句新年「賀詞」，「如何抗疫」已經成為咗No.1話題，連帶黃秋生主演嘅經典CULT片《伊波拉病毒》都再次成為討論熱話。
電影以九六年爆發嘅伊波拉疫情為背景，而「CULT片王」黃秋生就飾演主角阿雞。阿雞喺香港殺咗黑幫老大，潛逃到南非做黑工，其後強姦咗一名感染伊波拉病毒嘅土著染病。不過阿雞死唔去，仲成為超級帶菌者「活人生化武器」，暴發致富回流香港。
傳播性奇高
阿雞表面睇同正常人無異，但只要同佢體液接觸到嘅人都會感染到病毒，傳染性極高，令到佢返到香港之後無聲無息咁瘋狂喺「社區傳播」，似足隱藏喺社區嘅武漢肺炎「隱形病人」，連秋生自己都忍唔住喺Facebook留言話愈睇愈似佢嘅神作《伊波拉病毒》。
(圖片：黃秋生Facebook）
冇明顯病徵
阿雞病癒之後仍然帶菌，但就會變到完全冇病癥，仲可以老虎都打死幾隻。咁啱得咁橋，依家肆虐嘅武漢肺炎病患就算中招都冇明顯病徵，自己成為隱性傳播者都唔知。
（圖片：《伊波拉病毒》網上截圖）
（圖片：《伊波拉病毒》網上截圖）
話暈低就暈低
《伊波拉病毒》片中嘅患者病發時會突然喺街暈低，同網上流傳嘅多條武漢當地發生嘅短片一樣，病患者都係會暈倒喺街上，非常恐怖！
（圖片：《伊波拉病毒》網上截圖）
（圖片：《伊波拉病毒》網上截圖）
攞體液做「武器」
阿雞知道自己係「超級傳播者」之後刻意周圍搵人嚟傳染，報復社會心態非常癲喪。有一幕佢仲捉住路人噴到佢一面都係血，睇到人眼都凸！差唔多嘅事情早前就曾經發生喺武漢，一位武漢嘅醫護人員喺自己嘅微博指被一個疑似武漢肺炎患者以唾液攻擊，該病人仲話：「我死了，你也別想活！」非常黑心！
（圖片：《伊波拉病毒》網上截圖）
（圖片：《伊波拉病毒》網上截圖）
全套保護衣
因為傳染性高，醫護人員都會着全套保護衣才接觸病患者，見到真係有一種莫名嘅恐懼感！
（圖片：《伊波拉病毒》網上截圖）
果蝠係元兇？
伊波拉係人畜共通病毒，目前認為果蝠是可係病毒嘅原宿主，病毒致命性極高，目前仲未能證實有任何有效疫苗，同武漢肺炎一樣!
（圖片：《伊波拉病毒》網上截圖）
（圖片：《伊波拉病毒》網上截圖）
最後值得一提嘅，就係片中飾演警察嘅尹揚明非常盡責，唔理自身安全瞓身去捉阿雞，呢啲就真係對香港市民忠誠勇毅嘅人民公僕嗱！
撰文：黃蘊姿